23 жніўня напярэдадні новага навучальнага года ў Баранавіцкім ГАУС адбылася агульная прафілактычная канферэнцыя прававога характару "Бяспечная будучыня", удзельнікамі якой сталі навучэнцы Сярэдняй школы №10. З дакладам выступілі начальнік крымінальнага вышуку, а таксама прадстаўнікі групы па супрацьдзеянні кіберзлачыннасці і аддзяленні па наркакантролі. Дакладчыкі распавялі аб крымінальнай сітуацыі ў горадзе, аб злачынствах, якія здзяйсняюцца непаўналетнімі, аб бяспечных паводзінах у сацыяльных сетках і сетцы Інтэрнэт. Напрыканцы сустрэчы з прамовай да вучняў звярнуліся галоўны спецыяліст аддзела ідэалагічнай работы і па справах моладзі Баранавіцкага гарвыканкама Эма Захарава і настаяцель храма Аляксандра Неўскага протаіерэй Віталь Лазоўскі.