Выхаванцы дасугавага цэнтра “Час разам” наведалі дзіцячы тэхнапарк на базе ДУА “Сярэдняя школа №1 Імя С.І. Грыцаўца". Дзеці былі ўражаныя маштабамі лабараторый, якіх у школе восем: робататэхнікі, 3D-мадэлявання і прататыпавання, мехатронікі і радыёэлектронікі, віртуальнай і дапоўненай рэальнасці, інжынернай экалогіі і альтэрнатыўнай энергетыкі, тэхналогіі беспілотных лятальных апаратаў, практычнага праектавання, а таксама цэнтр ранняй прафесійнай падрыхтоўкі. Выхаванцам не толькі распавялі пра працоўныя працэсы ў кожнай лабараторыі, але і дазволілі ў некаторых паўдзельнічаць.